“Кыым”-нар Намҥа сырыыбыт түмүктэннэ

“КЫЫМ” эрэдээксийэтин суруналыыстарын 3 күннээх сырыыта Нам улууһугар – Бөтүҥ, Модут, Хатырык, Аппааны, 1 Хомустаах, Партизан, Никольскай, Таастаах уонна Искра бөһүөлэктэригэр түмүктэннэ. Хас сылдьыбыт сирбитигэр ааҕааччыларбытын кытта атах тэпсэн олорон, астына кэпсэттибит, санааларын иһиттибит, ыйытыктарга хоруйдаатыбыт. Хаһыаппытыгар, сурунаалларбытыгар хото суруттулар. Нэһилиэнньэ үксэ кэриэтэ хаһыаппытын сөбүлээн суруталларын этиннилэр. Онон бу сырыыга Нам олохтоохторо ааҕар улуус эбиттэрин көрдөрдүлэр.