Уӕрӕсейы адӕмон артист, композитор ӕмӕ дирижер Гӕдзӕнты Булаты райгуырдыл сӕххӕст 90 азы
Зæрдæхæлар гений — афтӕ хуыдтой номдзыд Гӕздӕнты Булаты. Уӕрӕсейы адӕмон артистимӕ базонгӕ уӕвыны амонд иу кӕмӕ ӕрхаудта, уыдоны зӕрдӕты иу æнусмæ баззад. Композитор йӕ адӕмӕн балӕвар кодта, йӕ цард цы музыкӕйӕн снывонд кодта, уый. Билаонты Долорес, Суанты Ким, Хъуылаты Елхъан, Собиты Станислав, Тайсауты Владимир ӕмӕ бирӕ ӕндӕр зындгонд зарӕггӕнджытӕ уыдысты Гӕздӕнты Булаты оркестры хыгъды. Уый уыд ахуыргӕнӕг, зондамонӕг ӕмӕ фӕзминаг. Фӕлмӕнзӕрдӕ, цӕстуарзон, уайтагъд иу сси уарзон. Адæм æм сæхи æлвæстой. Йæ курдиат уыд æгæрон — дирижер, композитор, зарӕггӕнӕг. Уыимæ ма æгъдауджын æмæ хӕдӕфсарм адӕймаг. Йӕ цард ӕмӕ йӕ карьерӕйы алыхуызон цаутæ уыд, фӕлӕ фæстæ никуы фæлæууыд. Æнæфæцудгæ уыд тӕккӕ зындӕр уавӕрты дӕр. Куыдзаты Хъазыбег Булатæн йæ хорз хæлар уыд. Раззагдæр хирург мысы, иухатт радиокомитеты бæстыхайы, бирӕ рӕстӕг национ оркестр кӕм куыста, уым хъарм нал лæвæрдтой. Декабрь, тынг уазал. Коллектив та дарддӕр репетици кӕны. Фӕлӕ фæстæдæр Гæздæнты Булат фæсидт курдиатимæ радиокомитеты агъуыстæй рацæуыны фæдыл. Оркестрӕн, тæссаг уыд уынджы баззайынæй. Уӕд композитор базонгӕ Битарты Вячеславимӕ. Цӕгат Ирыстоны раздӕры сӕргълӕууӕг мысы, Гӕздӕны-фырт хъаст нӕ кодта, фӕлӕ ӕппӕт хъарутӕй архайдта хъуыддаджы ахадындзинад бамбарын кӕныныл. Коллективӕн рахицӕн кодтой раздӕры кинотеатр «Родина»-йы бæстыхай. Фыццаг объект фӕстӕмӕ республикӕйы исбонадмæ радтой, фӕлӕ заууат уавӕры уыд. Бындурон цалцӕгæн та фӕрӕзтӕ нӕ фаг кодта. Уӕд æрбангом сты меценаттӕ ӕмӕ республикӕйы зæрдæхæлар цӕрджытӕ. Культурӕ, аивад рӕзын кӕнын ӕмӕ курдиатджын фӕсивӕды хъомыл кӕнын. Хуымӕтӕг адӕмон мотивтӕй Гӕздӕнты Булат арӕзта ӕххӕст уацмыстӕ национ колоритимӕ. Ӕмӕ уыимӕ йӕхимӕ авторон хицæндзинæдтимæ. Алкæддæр-иу загъта "ӕнӕуи йӕм базылдтӕн", зæгъгæ. Гæздæнты Булат уыд кадджын хистӕр. Аргъ ын кодтой куыд номдзыд композитор, хӕларзӕрдӕ ӕмӕ куырыхон адæймагæн. Цӕгат Ирыстоны адӕмон артисткӕ Гӕбуты Жаннӕ у аивӕдты училищæйы рауагъдон, йӕ курс ын цӕттӕ кодтой сӕрмагондӕй Ирон театрӕн. Гӕздӕны-фырт студенткӕйы федта спектакль "Пæсæйы фæндоны" Ӕмӕ йæ йæ бæрны бакодта. Тынг тыхджын хъӕлӕстæ ис, фӕлӕ ӕнӕ удӕй зарæн нæй, дзырдта Гæздæнты Булат. Хъуамæ хъусæджы зæрдæмæ бандзæвай. Гæздæнты Булат бирæ уарзта сывæллæтты. Йӕ кæстæр Къуымӕриттаты Тенгиз, йӕ дадайы бахъуыды кодта куырыхон ӕмӕ æгъдауджын адӕймагæй. Суанг ма лыстӕг хъуыддӕгты дӕр домдта дисциплинӕ. Уайдзæф нӕ кодта, фӕлӕ уынаффӕ. Сӕ хӕдзары алкæддæр уыд уазджытæ. Æппынæдзух æм цыдысты артисттӕ ӕмӕ музыканттӕ. Зарыдысты, хъазыдысты, кафыдысты. Хуымӕтӕг ӕхсӕвӕрӕй иу арæх рауад ӕцӕг концерт. Национ музыкӕ хуымæтæг хъуыддаг нæу. Райгуырӕн мотивтӕн Гæздæны-фырт уӕлдай аргъ кодта. Ӕмӕ уыцы уарзондзинад гуырын кодта кӕстӕртӕм дæр. Суанг фæстагмæ дæр, Гæздæнты Булат оркестрӕн разамынд дӕттын йӕ бон куы нал уыд, уӕддæр иу репетицитӕм ӕрбацыд, архайд æй цымыдис кодта. Фарста, цӕмӕ цӕттӕ кӕнынц сӕхи, зæгъгæ. Ахуыргӕнинӕгтӕ арӕх ӕрымысынц, сӕ зондамонӕг уацмысы зӕлынад куыд ӕмбарын кодта, уый. Барста - иу ӕй дымгӕйы уддзӕфимӕ, кӕнӕ адджын мыдимӕ. Уыцы ныхӕстӕ абон дӕр ма сты хъомылгӕнинӕгтӕн фæндагамонæг. Уыдон сӕхӕдӕг раджы рауадысты куыд композитортӕ, фӕлӕ йын дарддӕр æххæст кӕнынц йӕ уынаффӕтӕ. Цӕгат Ирыстоны истори ӕмӕ культурӕмӕ Гӕздӕнты Булаты бавӕрæнæн аргъ скӕнын зын у. Нымадтой йæ дунейы алы бӕстӕты. Хетӕгкаты Къостайы ӕмӕ "Нарты Фӕткъуы"-йы премиты лауреат адæмы зæрдæты баззад. Лæмбынæг, ӕмбаргӕ ӕмӕ хӕларзӕрдӕ.
Зæрдæхæлар гений — афтӕ хуыдтой номдзыд Гӕздӕнты Булаты. Уӕрӕсейы адӕмон артистимӕ базонгӕ уӕвыны амонд иу кӕмӕ ӕрхаудта, уыдоны зӕрдӕты иу æнусмæ баззад. Композитор йӕ адӕмӕн балӕвар кодта, йӕ цард цы музыкӕйӕн снывонд кодта, уый. Билаонты Долорес, Суанты Ким, Хъуылаты Елхъан, Собиты Станислав, Тайсауты Владимир ӕмӕ бирӕ ӕндӕр зындгонд зарӕггӕнджытӕ уыдысты Гӕздӕнты Булаты оркестры хыгъды. Уый уыд ахуыргӕнӕг, зондамонӕг ӕмӕ фӕзминаг. Фӕлмӕнзӕрдӕ, цӕстуарзон, уайтагъд иу сси уарзон. Адæм æм сæхи æлвæстой. Йæ курдиат уыд æгæрон — дирижер, композитор, зарӕггӕнӕг. Уыимæ ма æгъдауджын æмæ хӕдӕфсарм адӕймаг. Йӕ цард ӕмӕ йӕ карьерӕйы алыхуызон цаутæ уыд, фӕлӕ фæстæ никуы фæлæууыд. Æнæфæцудгæ уыд тӕккӕ зындӕр уавӕрты дӕр. Куыдзаты Хъазыбег Булатæн йæ хорз хæлар уыд. Раззагдæр хирург мысы, иухатт радиокомитеты бæстыхайы, бирӕ рӕстӕг национ оркестр кӕм куыста, уым хъарм нал лæвæрдтой. Декабрь, тынг уазал. Коллектив та дарддӕр репетици кӕны. Фӕлӕ фæстæдæр Гæздæнты Булат фæсидт курдиатимæ радиокомитеты агъуыстæй рацæуыны фæдыл. Оркестрӕн, тæссаг уыд уынджы баззайынæй. Уӕд композитор базонгӕ Битарты Вячеславимӕ. Цӕгат Ирыстоны раздӕры сӕргълӕууӕг мысы, Гӕздӕны-фырт хъаст нӕ кодта, фӕлӕ ӕппӕт хъарутӕй архайдта хъуыддаджы ахадындзинад бамбарын кӕныныл. Коллективӕн рахицӕн кодтой раздӕры кинотеатр «Родина»-йы бæстыхай. Фыццаг объект фӕстӕмӕ республикӕйы исбонадмæ радтой, фӕлӕ заууат уавӕры уыд. Бындурон цалцӕгæн та фӕрӕзтӕ нӕ фаг кодта. Уӕд æрбангом сты меценаттӕ ӕмӕ республикӕйы зæрдæхæлар цӕрджытӕ. Культурӕ, аивад рӕзын кӕнын ӕмӕ курдиатджын фӕсивӕды хъомыл кӕнын. Хуымӕтӕг адӕмон мотивтӕй Гӕздӕнты Булат арӕзта ӕххӕст уацмыстӕ национ колоритимӕ. Ӕмӕ уыимӕ йӕхимӕ авторон хицæндзинæдтимæ. Алкæддæр-иу загъта "ӕнӕуи йӕм базылдтӕн", зæгъгæ. Гæздæнты Булат уыд кадджын хистӕр. Аргъ ын кодтой куыд номдзыд композитор, хӕларзӕрдӕ ӕмӕ куырыхон адæймагæн. Цӕгат Ирыстоны адӕмон артисткӕ Гӕбуты Жаннӕ у аивӕдты училищæйы рауагъдон, йӕ курс ын цӕттӕ кодтой сӕрмагондӕй Ирон театрӕн. Гӕздӕны-фырт студенткӕйы федта спектакль "Пæсæйы фæндоны" Ӕмӕ йæ йæ бæрны бакодта. Тынг тыхджын хъӕлӕстæ ис, фӕлӕ ӕнӕ удӕй зарæн нæй, дзырдта Гæздæнты Булат. Хъуамæ хъусæджы зæрдæмæ бандзæвай. Гæздæнты Булат бирæ уарзта сывæллæтты. Йӕ кæстæр Къуымӕриттаты Тенгиз, йӕ дадайы бахъуыды кодта куырыхон ӕмӕ æгъдауджын адӕймагæй. Суанг ма лыстӕг хъуыддӕгты дӕр домдта дисциплинӕ. Уайдзæф нӕ кодта, фӕлӕ уынаффӕ. Сӕ хӕдзары алкæддæр уыд уазджытæ. Æппынæдзух æм цыдысты артисттӕ ӕмӕ музыканттӕ. Зарыдысты, хъазыдысты, кафыдысты. Хуымӕтӕг ӕхсӕвӕрӕй иу арæх рауад ӕцӕг концерт. Национ музыкӕ хуымæтæг хъуыддаг нæу. Райгуырӕн мотивтӕн Гæздæны-фырт уӕлдай аргъ кодта. Ӕмӕ уыцы уарзондзинад гуырын кодта кӕстӕртӕм дæр. Суанг фæстагмæ дæр, Гæздæнты Булат оркестрӕн разамынд дӕттын йӕ бон куы нал уыд, уӕддæр иу репетицитӕм ӕрбацыд, архайд æй цымыдис кодта. Фарста, цӕмӕ цӕттӕ кӕнынц сӕхи, зæгъгæ. Ахуыргӕнинӕгтӕ арӕх ӕрымысынц, сӕ зондамонӕг уацмысы зӕлынад куыд ӕмбарын кодта, уый. Барста - иу ӕй дымгӕйы уддзӕфимӕ, кӕнӕ адджын мыдимӕ. Уыцы ныхӕстӕ абон дӕр ма сты хъомылгӕнинӕгтӕн фæндагамонæг. Уыдон сӕхӕдӕг раджы рауадысты куыд композитортӕ, фӕлӕ йын дарддӕр æххæст кӕнынц йӕ уынаффӕтӕ. Цӕгат Ирыстоны истори ӕмӕ культурӕмӕ Гӕздӕнты Булаты бавӕрæнæн аргъ скӕнын зын у. Нымадтой йæ дунейы алы бӕстӕты. Хетӕгкаты Къостайы ӕмӕ "Нарты Фӕткъуы"-йы премиты лауреат адæмы зæрдæты баззад. Лæмбынæг, ӕмбаргӕ ӕмӕ хӕларзӕрдӕ.