Норуот дьокутаата Мария Христофорова "тыыннаах" көрсүһүүтэ!

2023 с. ыам ыйын 18 күнүгэр Өксөкүлээх Өлөксөй аатынан Норуоттар доҕордоһууларын дьиэтигэр Ил Түмэн 6-с ыҥырыылаах Мунньаҕын дьокутаата Мария Христофорова ааспыт 5 сыллааҕы үлэтин сүрүн түһүмэхтэрин таһаарар, бар дьонун кытта ирэ-хоро кэпсэтэр "Ис сүрэхтэн" диэн отчуоттаах киэһэ буолан ааста. Бу тэрээһин буолумуон да сөп этэ. Тоҕо диэтэххэ, ити кэмҥэ Дьокуускайга улахан саахал тахсан, тэрээһин буолар түөлбэтигэр уот баран турара, Өксөкүлээх киинин иһигэр сырдык түннүгүнэн эрэ киирэрэ. Оттон бар дьоҥҥо, куорат олохтоохторугар ыҥырыы тарҕанан, хаһыатынан, социальнай ситимнэринэн биллэрии тарҕанан турара. Ол гынан баран, Мария Христофрова "бачча кэлбит бар дьоммут хайаан кураанаҕы куустарыахпыный, көрсөөрү, кэпсэтээри кэлбиттэрин булгуччу көрүстэхпинэ табыллар" диэн, отчуоттаах тэрээһинин биир лаампа уота, биир саҥарар микрофона суох "мраморнай залга" атах тэпсэн олорон көрүстэ. Оттон ол ис сүрэхтэн тэриллибит "тыыннаах" көрсүһүү хайдах ааспытын бу видеоҕа көрүҥ. Видео: Олег Желнин устуута.